martes, 3 de diciembre de 2013

Visita a Ferrol 1º e 2º ESO

O día vinteoito de novembro, os alumnos de 1º e 2º de ESO realizaron unha viaxe cultural a Ferrol.

A primeira parada que fixemos foi na regasificadora Reganosa, onde en primeiro lugar tiveron unha charla onde lles explicaron o traballo desta planta que almacena e transforma gas natural licuado (GNL).



A continuación fixemos unha visita polos exteriores da planta onde nos foron explicando os diferentes usos dos elementos que a compoñen e os procesos que se seguen neles.

Despois desta visita desprazámonos ao Museo Naval de Ferrol. Alí dividíronnos en dous grupos con un guía cada un que nos explicaron entre outras cousas que o Museo Naval de Ferrol foi inaugurado o 5 de marzo de 1986. Está ubicado dentro da base Naval de Ferrol, no antigo Cuartel de Presidiarios. Entre os modelos conservados nas súas salas sobresae o da fragata Santa María Magdalena, de 34 canóns, botada en 1773 en Ferrol. O museo conserva máis de cen pezas de artillería.



Dirixímonos, a continuación, á xantar nun centro comercial.

Logo de descansar un rato trasladámonos o centro de Ferrol onde fixemos unha actividade que consistía en, divididos en grupos, facerse unha fotografía nalgún lugar destacado de Ferrol (praza, monumento, edificio…) e que alguén da propia cidade lles explicase a historia do mesmo. 

Foi un día moi entretido onde o pasamos xenial!!!

Se queredes coñecer máis sobre o Museo Naval ou Reganosa premede nos enlaces que tendes a continuación que vos levarán as súas propias páxinas!