Práctica de laboratorio de Física e Química: medindo densidades

O alumnado de 2º da ESO realizou esta semana unha práctica no laboratorio do colexio para medir a densidade de distintos materiais.

O obxectivo da actividade era comprender mellor que é a densidade e como se pode calcular a partir da masa e do volume dun corpo, empregando instrumentos de medida reais.

Organizados en pequenos grupos recibiron diferentes mostras de materiais: metal, plástico, madeira, pedras…

No laboratorio utilizamos:

• Balanzas para medir a masa das mostras.

• Probetas con auga para calcular o volume dalgúns obxectos mediante o método do desprazamento de líquido.

• Regras e calibres para medir as dimensións dos corpos máis regulares (cubos, prismas, cilindros).

    Cada grupo apuntou as medidas nunha táboa e realizou os cálculos para obter as densidades. Posteriormente introduciron os resulatdos en Internet, para saber de qué material podían estar feitos os obxectos estudados. 

Foi unha experiencia moi interesante e divertida, na que puidemos comprobar que a ciencia tamén se aprende facendo, non só nos libros. Xa temos ganas da próxima visita ao laboratorio!