O día 18 de xaneiro de 2017, acudiu
ao noso centro o Brigada do exército do aire Carlos Rodríguez Cabada,
pertencente ao Ministerio de Defensa, subdelegación de defensa de Lugo, coa
finalidade de ofrecer aos alumnos de 4º de ESO unha charla a cerca das Forzas
Armadas Españolas, baixo o título “Polo
teu futuro, polo de todos”.
O conferenciante faloulles das
distintas formas de acceso á carreira militar, así como das misións que leva a
cabo o exército, tanto de terra, como de mar e o de aire. Tamén os informou das misións, non só en
territorio español, senón tamén nos espazos
internacionais (misións de paz en conflitos bélicos internacionais,
defensa de territorios e poboación civil…)
Estas charlas están englobadas
dentro da orientación académica e profesional que dende o centro ofrecemos aos
nosos alumnos de Educación Secundaria Obrigatoria.
Os alumnos amosaron moito interese e plantexaron unha serie de cuestións de aspectos que, do tema tratado, descoñecían.
Comentarios
Publicar un comentario